| |

我居然會校鬧鐘, 夜晚十二點鐘起身上網, 我一定係痴左線!! 冇計啦, 唯獨係零晨先係正常速度, 聽日Melbourne Cup又唔駛返學, 痴下都可以既。
上個weekend去左家姐既朋友Suasan度訓, 由於佢同佢呀媽係馬來人既關係, 煮野食好食到不得了, 全部都辣辣地, 令你愈食愈想食, 佢地又熱情, 不斷夾餸俾你, 真係食左好多, 本來諗住第二朝去Sun 9去day market, 但因為天雨關係, 最後都係冇去到, 留低係佢屋企度訓覺同煲碟同無間斷食野, 整間屋都係free到冇人有, 冇人理我, 我點訓都冇人會理, 個個各有各精彩, 真係好似自己屋企咁, 所以我都覺得係好好既weekend, 即使好似乜都冇做過咁。
今日係夾住兩日假期既日子, 往年lee一日係唔駛返學, 今年變左唔係假期, 但全校D人都係唔見曬, 全級得十三條友返左, 我想講我學校有八班, 每班三十人左右, 即使你返, 又唔駛著校服, 成間學校你仲意點碌就點碌, 所以全年應該係得lee日會全級會一齊上堂 始終都叫做返學, D老師係唔係都要諗D野俾我地做, 其實佢地都幾慘, 冇啦啦冇左一日假, 仲要分分鐘係返到泥冇人被佢地教, 同埋有一樣野就係D女老師會著到好行, 因為Melbourne Cup係好似婦女銀袋日, 個個都會著得好華麗, 所以lee個係一年一度既盛事, 話曬我地都會因為lee場賽馬而放假。
放左學, 成班人上左屋企, 因為我要換衫既關係, 好在lee度唔係香港, otherwise都唔知點樣逼六條友入我屋企。 換完衫出左city食lunch, 遊左一陣, 買左D護膚用品, 因為lee度既天氣真係太極端, 最重要係買左張New Moon poster, 100%滿足, 最好笑係行行下, 我hsemate打俾我, 話俾我知佢好似冇熜火, 攪到我最後都冇去到我一路而來都好想去既Dockland, 不過都係返屋企睇下好D, 最後佢係煲乾曬成煲粥, 啡色一堆野, 好彩佢係細火。








|